Et Kühm – Rümche

Mer bruche uns nit länger ploge.
Mer sin alt längs in denne Johre,
Wo uns dat Zipperlein fädig mäht,
Uns säht, wie et jetz wigger jeit!

He ne Schnibbel un do ene Schnett,
Do bes widder e Stöckche quitt,
Dat dich besher hät fies schikaneet;
„Mot fott“, weil et do „nit“ hin jehöt!

Es dinge Küles noch em Klore,
Jeheens läuf rund, trotz all dä Johre
Flupp noch jenau esu, wie jeschmeert –
Freu dich, vill es Dir noch nit passeet!

Freu dich, wenn de Vüjjelcher singe,
Et Sönnche schingk, de Jlocke klinge.
Verlier nit de Hoffnung, dinge Mot,
Sach einfach dä Lück: „Et jeit mer jot“!

Leverkusen, Januar 2010
K.J. Lippemeier geb.1934